नेपाली जनप्रगतिशील मन्च जापान (一般社団法人NPPF JAPAN) को अधिवेशन नजिकिएसंगै संगठनका गतिविधिले व्यापकता पाएका छन ।
हरेक २ वर्षमा हुने अधिवेशन आगामी नोभेम्वर महिनामा तय भएको र क्षेत्रीय अधिवेशनका मितिहरू निश्चितता भएकोले संगठन बिस्तार तथा सुदृढिकरण अभियान संचालन गरिएको संगठन विभाग प्रमुख तथा कार्यवाहक अध्यक्ष मोहन पौडेलले जानकारी दिए ।
प्रवास समन्वय समितिको ३ महिने संगठन सुदृढिकरण अभियान पनि संचालन भैरहेकों अवसर पारेर जापानमा पनि यो अभियान संचालन गरेका हौ । पौडेलले भने- राष्ट्रिय कार्यसमितिकोले बैठकले संगठनको ३ महिने अभियानको लागि सदस्यता वितरण, क्षेत्रीय समितिसंगको समन्वय तथा संगठन विस्तारको लागि आवश्यक कार्यविभाजन गरेर काम गरिरहेका छौ ।
जापानमा बिभिन्न विचार राख्ने संगठन मध्य क्रियाशील रहेको मञ्चको संगठन बिस्तार तथा सुदृढ़ीकरण अभियानका लागि कार्य विभाजन गरेर सक्रियतापूर्वक लागेको मञ्चका महासचिव बाबुराम पौडेलले जानकारी दिए ।
महासचिव पौडेलका अनुसार कार्यालय तथा समन्वयको लागि इन्चार्ज,अध्यक्ष , महासचिब र उप महासचिव शिबु थापा र क्षेत्रगत जिम्मेवारीमा नागोया श्यामहरि पाण्डे, गौरी सापकोटा, टोकियो जनक सुबेदी, अर्जुन अमागाइ तोचिगी आरएच गौतम र भुवन हुँमागाइ ओसाका मोहन पौडेल, रामप्रसाद गैरे गौरी, फुकुओका नवराज गौतम र रामकृष्ण भण्डारी, ओकिनावा श्रबण सत्याल र दावा सेर्पा र सेन्दाइ बेनुका खड्का र कार्यालय टिमलाई तोकिएको छ ।

संगठनको सदस्यताको लागि अनलाइनमार्फत आवेदन र नवीकरण गर्ने व्यवस्था मिलाईएको छ । महासचिव पौडेलले भने- जापानमा नेपालीको संख्या बढ़ेसंगै हामी निकटका साथीहरूको पनि आगमन भएकोले उहाहरूसंगै सबैले सदस्यता आवेदन फारम भर्न र नवीकरण गर्नको लागि अनुरोध गर्दछु ।
संगठनले विचारसंगै जापानमा रहेर सामाजिक सेवा मानवीय सेवालाई आफनो प्रमुख कार्यभारका रूपमा काम गरिरहेकोले आगामी क्षेत्रीय अधिवेशन र राष्ट्रिय महाधिवेशन उल्लासपूर्ण रूपमा गर्न गराउनका लागि मञ्चका अध्यक्ष भवानी पन्तले अपिल गरेका छन ।